Том Круз фаолиятидаги илк «Оскар»ни олди
Том Крузга кино санъатига қўшган ҳиссаси учун фахрий «Оскар» мукофоти топширилди.
Бу 63 ёшли актёр қўлга киритган илк «Оскар». У бунгача «4 июлда туғилган», «Жерри Магуайр», «Магнолия» ва «Мэверик: Энг яхши мерган» филмлари учун тўрт марта мукофотга номзод бўлган.
Тақдирлаш маросимида сўз олган актёр кино унга тафовутларни қадрлаш ва ҳурмат қилишда ёрдам беришини таъкидлади. «Қаерлик эканимиздан қатъи назар, кинотеатрда биргаликда куламиз, ҳис этамиз, умид қиламиз — ушбу санъатнинг кучи шунда. Айнан шунинг учун у муҳим, жумладан, мен учун ҳам. Шу маънода филмларни суратга олиш — мен учун шунчаки касб эмас, балки ҳаётим мазмуни», — Том Круздан иқтибос келтирди Variety нашри.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter