Россия президенти матбуот котиби Дмитрий Песков Кремл Украина президенти Владимир Зеленскийнинг Владимир Путинга йўллаган очиқ мактуби билан танишганини билдирди.

Журналистларнинг саволига жавоб берган Песков: «Ҳа, биз уни кўрдик. У президент иштирокидаги тадбир вақтида эълон қилинган эди», – деди.

Песковнинг қўшимча қилшича, Зеленский исталган вақтда Москвага келиши мумкин.

«Зеленский исталган пайт Москвага келиши мумкин. Президент Путин айтганидек, агар Зеленский гаплашмоқчи бўлса, Москвага келиб, буни амалга ошириши мумкин», – деди Кремл матбуот котиби.

Айни пайтда Кремл мазкур таклифларга муносабат билдирган бўлса-да, Москва томонидан Зеленскийнинг музокаралар ҳақидаги ташаббусларига расмий жавоб ҳозирча берилмаган.

Эслатиб ўтамиз, аввалроқ Украина президенти Владимир Зеленский ўз расмий сайтида Россия раҳбари Владимир Путинга йўлланган очиқ мактубни эълон қилган эди. Унда Украина раҳбари урушни тугатиш мақсадида шахсий учрашув ўтказишни таклиф қилди.