La Parisien нашрининг ўз манбасига таяниб хабар беришича, Франция терма жамоасининг собиқ футболчиси Самир Насри полиция томонидан гиёҳванд моддалар савдоси билан боғлиқ пул ювишда айбланиб ҳибсга олинган.

Манбага кўра, «Манчестер Сити» ва «Олимпик де Марсел» клубларининг собиқ ярим ҳимоячиси, ҳозирда Canal Plus эксперти, гиёҳванд моддалар импорти, жиноий ташкилот тузиш ва уюшган гуруҳ таркибида пул ювишда айбланиб сўроқ қилинган. Самир Насри ўз вақтида «Арсенал»да ҳам тўп сурган. 

9 июл куни у Париж полиция бўлимида тахминан 10 соат вақтини ҳибсда ўтказди, деб таъкидлади манба. У пайшанба куни кечқурун айбловсиз қўйиб юборилди.

Насри Иври-сур-Сеине шаҳридаги XS тунги клуби билан боғлиқ воқеада иштирок этмоқда, у 2016 йилдан бери унинг ҳам эгаси ҳисобланади. Тергов маълумотларига кўра, 2021 ва 2023 йиллар оралиғида ушбу муассаса орқали катта миқдордаги нақд пуллар Марсел гиёҳванд моддалар сотувчиси Ҳаким Берребушнинг рафиқасига ўтказилган, Берребушнинг ўзи эса қамоқда бўлган. Насри бу иш бўйича июнь ойи охирида сўроқ қилинган.

Самир Насри Берребуш оиласини болалигидан билади. Сўроқ пайтида 39 ёшли спортчи 2020 йилда Дубайда бўлиб ўтган учрашувида клубдаги улушларини Ҳаким Берребушга оғзаки равишда ўтказганини, аммо битим ҳеч қачон расмийлаштирилмаганини даъво қилди.