Apple компанияси смартфонлар бозорида яна бир катта бурилишга ҳозирлик кўрмоқда. Технологик дунёнинг диққат марказида турган iPhone Ultra лойиҳаси ҳақида янги тафсилотлар ошкор бўлди.

Букланадиган смартфонлар сегментига кириб келаётган Купертино гиганти ўзига хос, минималистик ва кутилмаган ечимлар билан мухлисларини лол қолдиришга шайланмоқда.

Инсайдер Сонни Диксон тақдим этган батафсил макетлар iPhone Ultraнинг якуний дизайн қиёфасини очиб берди. Энг эътиборли жиҳати шундаки, Apple бу сафар тажриба ўлароқ фақат бир хил тусга, яъни оқ рангга эътибор қаратган. Демак айтиш жоизки, букланадиган модел фақат оқ рангда ишлаб чиқарилиши кутилмоқда.

iPhone Ultraнинг техник қисми ҳам муҳим ўзгаришларга бой. Инсайдерларнинг тасдиқлашича, Apple мазкур моделда Face ID тизимидан воз кечмоқда, унинг ўрнига компания ён тугмага Touch IDни жойлаштиради. Бу сўнгги йиллардаги энг кутилмаган техник ечимлардан бири ҳисобланади.

Apple смартфон дизайни устидаги барча мураккаб ишларни тўлиқ якунлади. Маълумотларга кўра, шу ойнинг охирига қадар компания мазкур моделни ишлаб чиқаришни йўлга қўяди.

iPhone Ultra нафақат Appleнинг янги маҳсулоти, балки смартфонлар эволюциясидаги навбатдаги босқич бўлиши кутилмоқда. Оқ рангли гўёки соддагини смартфон ортида яширинган кучли техник хусусиятлар бозорда қандай акс-садо бериши эса тез орада маълум бўлади.