Toshkentda 27 yoshli yigit mashinasida bir guruh shaxslarni urib yubordi
Joriy yilning 26-mart kuni 27 yoshli fuqaro B.R. Toshkent shahar Yunusobod tumani Niyozbek yo‘li ko‘chasida sobiq turmush o‘rtog‘i 2001-yilda tug‘ilgan fuqaro M.F. va uning yonida bo‘lgan boshqa shaxslar bilan o‘zaro janjallashgan.
Mojaro jarayonida B.R. boshqa shaxslarga og‘ir tan jarohati yetkazish maqsadida o‘zining boshqaruvidagi «Tracker» rusumli avtomashinada M.F. va uning tanishlari ustiga haydab, qasddan urib yuborgan.
Fuqaro M.F. va uning tanishi D.Q.lar yengil turdagi turli jarohatlar bilan tibbiyot muassasasiga yotqizilgan.
Poytaxt IIBBning ma’lum qilishicha, hozirda voqea ishtirokchilarining barchasini shaxsi aniqlanib, Yunusobod tumani IIO FMBga olib kelingan. Holat yuzasidan tergovga qadar tekshiruv o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter