Oliy sud matbuot xizmati «Real Sanjik» ishi bo‘yicha ma’lumot berdi. 

Aytilishicha,  u jinoyat ishlari bo‘yicha Mirobod tuman sudida Toshkent shahar prokurori birinchi o‘rinbosarining iltimosnomasi bilan Jinoyat kodeksining 112-moddasi 1-qismi va 25,273-moddasi 2-qismida nazarda tutilgan jinoyatlarni sodir etganlikda ayblangan va Jinoyat-protsessual kodeksining 227-moddasi tartibida ushlangan.

S. K. (erkak, 1990 yilda Namangan viloyatida tug‘ilgan,«Finans invest» KSB ta’sischisi)ga nisbatan prokurorning «qamoqqa olish» tarzidagi ehtiyot chorasini qo‘llash to‘g‘risidagi iltimosnomasi taqdim etilgan hujjatlar bilan ko‘rib chiqildi.

Sudning 2025 yil 28 noyabrdagi ajrimi bilan Toshkent shahar prokurori birinchi o‘rinbosarining iltimosnomasi qanoatlantirilib, ayblanuvchi S. K.ga nisbatan qamoqqa olish tarzidagi ehtiyot chorasi qo‘llanilib, qamoqqa olinishi va tergov hibsxonasiga joylashtirilishi belgilandi.

Eslatib o‘tamiz, u avval 240 ming dollarik uy mojarosida ham qatnashgandi.