O‘zbekiston TIV Ukrainani Mustaqillik kuni bilan tabrikladi
O‘zbekiston Respublikasi Tashqi ishlar vazirligi 24-avgust — Ukraina Mustaqillik kuni munosabati bilan tabrik yo‘lladi.
Vazirlikning rasmiy X sahifasida e’lon qilingan postda Ukrainadagi do‘stlar Mustaqillik kuni bilan samimiy qutlangan.
«Ukrainadagi barcha do‘stlarimizni Mustaqillik kuni bilan samimiy tabriklaymiz», – deyiladi TIV xabarida.
Postda O‘zbekiston va Ukraina davlat bayroqlari ham aks ettirilgan.
O‘zbekiston va Ukraina o‘rtasidagi diplomatik munosabatlar esa 1992-yilda o‘rnatilgan.
Ma’lumot uchun, Ukraina parlamenti 1991-yil 24-avgustda mamlakat mustaqilligini e’lon qilish to‘g‘risidagi hujjatni qabul qilgan. Mazkur qaror o‘sha yilning 1-dekabrida o‘tkazilgan umumxalq referendumida tasdiqlangan.
Eslatib o‘tamiz, O‘zbekiston Tashqi ishlar vazirligining X’dagi rasmiy sahifasi mamlakat tashqi siyosat idorasining rasmiy axborot manbalaridan biri hisoblanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter