Rossiya prezidenti Vladimir Putin Ukraina rahbari Vladimir Zelenskiyning ochiq xati haqida gapirdi. 

Sankt-Peterburg xalqaro iqtisodiy forumi davomida bo‘lib o‘tgan sessiyada Rossiya prezidenti Vladimir Putin ukrainalik hamkasbi Vladimir Zelenskiyning ochiq xatiga izoh berdi, unda u Rossiya rahbarini muzokaralar o‘tkazishga chaqirgan edi.

Putin mazkur uchrashuvda ma’no ko‘rmayotganini ta’kidlab o‘tdi. Uning aytishicha, uchrashuv uchun ma’lum kelishuvlar kerak. Hozirda «Kiyev urushni vaqtincha to‘xtatishga urinmoqda» deydi u. 

Putin may oyi o‘rtalarida Rossiya biznes hamjamiyati vakilining qo‘ng‘irog‘ini esladi, xatda go‘yoki unga Kiyevga taklifnoma yuborilganini ma’lum qilgan. Putin biznesmenning ismini aytmadi, lekin uni uzoq vaqtdan beri bilganini ta’kidladi. 

Putinning so‘zlariga ko‘ra, 21-may kuni biznesmen Kiyevga tashrif buyurgan va Vladimir Zelenskiy bilan uning qarorgohida uchrashgan. Keyin u Rossiya prezidentiga qo‘ng‘iroq qilgan va go‘yoki Ukraina prezidentining muzokaralar uchun uchrashuv o‘tkazish iltimosini yetkazgan. Biroq, ertasi kuni Ukraina qurolli kuchlari Starobilskdagi yotoqxonaga hujum qilgan. Keyin, uning o‘zi ta’kidlashicha, eski tanishiga qo‘ng‘iroq qilib,«Bu nima?» deb so‘ragan. 

Putinning so‘zlariga ko‘ra, biznesmen bu savolni Kiyevdagi hamkasbiga berishga va’da bergan, ammo ular boshqa hech qachon gaplashmagan. Zelenskiy bilan uchrashishga tayyorligi haqida so‘ralganda, Putin buning hech qanday ma’nosini ko‘rmayotganini aytdi va keyin front chizig‘idagi rus qo‘shinlariga shunday so‘zlar bilan murojaat qildi: «Ishlang, birodarlar».

Tahlilchilarga ko‘ra, Putinning bu so‘zlari uning urushni to‘xtatish niyati yo‘qligini ko‘rsatadi.