AQSh prezidenti Donald Tramp Eron rahbariyati bilan to‘g‘ridan-to‘g‘ri muzokaralarga ochiqligini bildirdi. U bu haqda The New York Post nashriga bergan intervyusida aytdi. 

«Men ular bilan uchrashishda hech qanday muammo ko‘rmayapman. Agar rahbarlar uchrashishni istasalar, men tayyorman», dedi Tramp. U Tehronning yadroviy qurol dasturidan voz kechishini muloqotning asosiy sharti sifatida keltirdi. 

Amerika rahbari sulh muddati tugashi bilan muzokaralarning butunlay to‘xtashi oqibatlari haqida batafsil ma’lumot berishdan bosh tortdi. «Bu yoqimli bo‘lmaydi», dedi u Eron kemalari bo‘yicha vaziyat haqidagi savolga javoban. 

Shu bilan birga, Tramp AQSh Eron rahbariyatidagi «to‘g‘ri odamlar bilan ish olib borayotganiga» ishonch bildirdi. 

Avvalroq Tramp AQSh vitse-prezidenti J.D. Vensni o‘z ichiga olgan AQSh delegatsiyasi 20-aprel kuni Eron bilan muzokaralar olib borish uchun Islomobodga kelishini e’lon qilgan edi. Uning so‘zlariga ko‘ra, ikki tomon muzokaralarga jiddiy yondashadi. Prezident delegatsiya tarkibida maxsus elchilar Stiv Uitkoff va Jared Kushner ham borligini ta’kidladi.