Сирдарёда фарзандини кийим илгич билан урган аёл 3 суткага қамалди
Сирдарё вилоятида аёл 10 ёшли фарзандини тўгаракка бормагани учун ургани сабабли маъмурий жавобгарликка тортилди.
Маълум бўлишича, аёл фарзанди тўгаракка бормасдан кўчада ўйнаб юрганини кўриб, қўлидаги кийим илгич билан унинг боши ва танасининг турли қисмларига урган.
Суд-тиббий экспертизаси хулосасига кўра, бола соғлиғининг қисқа муддат бузилишига сабаб бўлмаган енгил тан жароҳати олган.
Судда аёл қилмишидан пушаймон эканини билдириб, ўзига енгиллик беришни сўради.
Жабрланувчининг қонуний вакили — боланинг отаси эса воқеа ҳақида ўша куни ишдан қайтгач хабар топганини айтиб, турмуш ўртоғига нисбатан ҳеч қандай даъвоси йўқлигини билдирди ҳамда унга қонуний енгиллик берилишини сўради.
Суд қарорига кўра, аёлга нисбатан 3 сутка маъмурий қамоқ жазоси тайинланди.
Шунингдек, унга келгусида шунга ўхшаш қилмиш содир этган тақдирда жиноий жавобгарликка тортилиши мумкинлиги ҳақида тушунтириш берилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter