Тошкентда бир вақтда иккита кўп қаватли уйда ёнғин чиқди
Бугун, 13 июн куни Тошкентда деярли бир вақтда иккита кўп қаватли уйда ёнғин содир бўлди.
Хусусан, соат 10:21 да Яккасарой тумани Нукус кўчасида жойлашган кўп қаватли уйнинг ташқи қисми (фасад) ёнаётганлиги тўғрисида шаҳар ФВББга хабар келиб тушган.
Қутқарув бўлинмалари соат 10:23 да ҳодиса жойига етиб борган.
Айтилган манзилдаги кўп қаватли уйда яшовчи барча фуқаролар эвакуация қилинган.
Ёнғин соат 11:00 да қуршаб олиниб, 11:10 да ўчирилган. ФВБнинг таъкидлашича, ҳодиса оқибатида ҳеч ким жароҳатланмаган.
Иккинчи ёнғин соат 10:25 да Чилонзор туманида юз берган. ФВББга Эски Чилонзор кўчасида янги қурилаётган бино ҳудудида чиқинди ёнаётганлиги тўғрисида хабар келиб тушган.
Қутқарув техникалари айтилган манзилга соат 10:32 да етиб бориб, ёнғин соат 10:36 да ўчирилган. Ушбу ҳодисада ҳам ҳеч ким тан жароҳати олмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter