Оёғига ўраб олган 240 минг доллар билан чегарадан ўтмоқчи бўлганлар ушланди
Тошкент вилояти божхона бошқармаси ва ДХХ ходимлари ҳамкорлигида «Навоий» чегара божхона пости орқали қўшни давлатга пиёда чиқиб кетаётган икки нафар фуқаро текширувдан ўтказилди.
Маълум қилинишича, уларнинг хатти-ҳаракатлари шубҳа уйғотгани сабабли холислар иштирокида шахсий кўрик ўтказилган.
Кўрик давомида фуқароларнинг оёқларига скотч билан ўраб яширилган жами 240 минг АҚШ доллари аниқланган. Мазкур маблағлар оғзаки сўровда маълум қилинмаган ва йўловчи божхона декларациясида ҳам кўрсатилмаган.
Ҳозирда ҳолат юзасидан божхона органлари томонидан суриштирув ҳаракатлари олиб борилмоқда.
Эслатиб ўтилишича, жисмоний шахсларга 100 миллион сўм эквивалентига тенг ёки ундан кам миқдордаги нақд валютани божхона назорати қоидаларига риоя қилган ҳолда Ўзбекистондан ташқарига олиб чиқишга рухсат берилади. Бу тартиб норезидентларга ҳам татбиқ этилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter