Коррупцияга қарши янги усул: давлат хизматчилари қамоқхоналарга олиб борилди
Ўзбекистонда коррупцияга қарши курашишда жазолашдан кўра унинг олдини олишга қаратилган янги профилактик механизм жорий этилмоқда.
Коррупцияга қарши курашиш агентлиги ва Ички ишлар вазирлиги ҳамкорлигида давлат хизматчилари учун жазони ижро этиш муассасалари ҳамда тергов ҳибсхоналарига ташрифлар ташкил этилмоқда.
Илк ташрифда Қурилиш ва уй-жой коммунал хўжалиги вазирлиги ҳамда Кадастр агентлиги раҳбарлари ва масъул ходимлари иштирок этди. Улар тергов хоналари, сақлаш камералари ва муассасанинг бошқа объектлари билан танишди.
Шунингдек, коррупциявий жиноятлар учун жазо ўтаётган шахслар билан учрашувлар ўтказилди. Мулоқотлар давомида маҳкумлар коррупция оқибатида ўз ҳаёти, оиласи ва обрўсига етган салбий таъсирлар ҳақида сўзлаб берди.
Агентлик маълум қилишича, бундай профилактик ташрифлар келгусида коррупциявий хавф юқори бўлган бошқа вазирлик ва идоралар ходимларини ҳам қамраб олади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter