Америкалик кардиолог Бретт А. Силавенинг сўзларига кўра, зайтун юрак саломатлигини яхшилаши мумкин.

У тадбиркор ва телебошловчи Марта Стюартнинг веб-сайтида маҳсулотнинг нозик фойдалари ҳақида суҳбатлашди. 

Шифокор зайтунни рационга қўшишни тавсия қилди, чунки унинг таркибидаги ёғлар, айниқса олеин кислотаси холестерин миқдорини тартибга солиши мумкин: улар  паст зичликдаги липопротеин даражасини пасайтиради ва юқори зичликдаги липопротеин даражасини оширади.

Олеин кислотаси шунингдек, организмда хавфли тизимли яллиғланиш хавфини камайтиради, бу эса холестерин плакаларининг пайдо бўлишига ва қон томирларининг эластиклигини пасайиши, қон босимининг ошиши ва юрак муаммолари кучайишининг олдини олади. 

Кардиолог зайтун таркибида тола ва антиоксидантлар каби юрак учун фойдали бошқа озуқавий моддалар ҳам борлигини таъкидлади.

«Ва ниҳоят, зайтун таркибида қизил қон таначаларининг барқарор ишлашини таъминлайдиган темир ва юрак саломатлиги ва иммунитетни қўллаб-қувватлайдиган мис мавжуд», деб хулоса қилди Силаве.