Тошкентдаги «Чинор» метроси яна очилади — бекатда нималар ўзгарди?
Тошкент метрополитенининг реконструкция ишлари сабаб вақтинча ёпилган «Чинор» метро бекати 29 июл куни соат 05:00 дан бошлаб яна йўловчиларга хизмат кўрсатишни бошлайди.
Бекатда Вазирлар Маҳкамасининг 2026 йил 30 апрелдаги топшириғи асосида кенг кўламли реконструкция ва кенгайтириш ишлари амалга оширилди.
Реконструкция жараёнида бекатнинг кириш ва чиқиш қисмлари сезиларли даражада кенгайтирилди. Турникетлар сони 6 тадан 13 тага етказилди. Шунингдек, аввал йўловчиларга ноқулайлик туғдирган ўтиш йўлаклари қайта лойиҳалаштирилиб, бекатдан бекатга тўғридан тўғри ўтиш имконияти яратилди.
Бекат аввал кунига ўртача 15 минг нафар йўловчига хизмат кўрсатган бўлса, энди бу кўрсаткич 35–40 минг нафарга етиши кутилмоқда.
Тошкент метрополитени реконструкция ишлари якунлангани муносабати билан йўловчиларга қулай, хавфсиз ва сифатли хизмат кўрсатишни давом эттиришини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter