«Киев Москвадан товон ундиришга уринмаслиги керак» – Bloomberg
Bloomberg нашри Россиянинг Украина билан Истанбулдаги музокараларида илгари сурган айрим талабларини эълон қилди.
Унга кўра, Украина ўз ҳудудида хорижий қўшинлар ёки оммавий қирғин қуроллари бўлмаган ҳолда нейтрал мақомга эга бўлиши керак.
Шунингдек, Киев Москвадан товон ундириш ҳақидаги талабларидан воз кечиши лозим.
Нашр, шунингдек, Кремль Украинадан тортиб олинган Қрим ва яна тўртта ҳудуд – Донецк, Луганск, Запороже ва Херсонга даъво қилинмаслигини ҳам шарт қилиб қўймоқда.
Истанбул музокарасида Россия томони Украина ушбу ҳудудлардан ўз қўшинларини олиб чиққандан кейингина Путин ўт очишни тўхтатишга рози бўлишини айтган.
Шу билан бирга мазкур беш ҳудуд халқаро миқёсда Россия ҳудудлари деб тан олиниши керак.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter