Франция ички ишлар вазири Лоран Нунес Чемпионлар Лигаси финалида ПСЖнинг ғалабасидан кейин бошланган тартибсизликларни «умуман назорат остида» деб таърифлаб, бутун мамлакат бўйлаб 780 нафар ҳуқуқбузар ҳибсга олинганини маълум қилди. 

Якшанба куни бўлиб ўтган матбуот анжуманида у бу кўрсаткич ўтган йилга нисбатан тартибсизликлар юқори эканлигини таъкидлади. Ҳибсга олинганлардан 457 нафар футбол ишқибози ва безорилар ҳибсга олинган. Тўқнашувлар пайтида полиция ходимлари ҳам қўшилган 219 киши жароҳат олган. 

Вазир ҳуқуқни муҳофаза қилиш органларининг ишини юқори баҳолади ва Парижнинг «периферик» ҳалқа йўлини тўсишга уринганлар учун видеокузатув ёзувлари асосида жарималар солиниши ҳақида огоҳлантирди. 

Нуненинг сўзларига кўра, тартибсизликлардан жабр кўрган 15 та Франция шаҳрида бир ёки иккита дўкон талон-тарож қилинган. Пау ва Орлеан шаҳарларида жамоат бинолари шикастланган. 

ПСЖ Чемпионлар Лигаси финалида ғалаба қозонганидан кейин Парижда тартибсизликлар бошланди. 

Парижда мухлислар полиция билан тўқнашдилар, жумладан, 8-округ полиция бўлимига ҳужум қилишга уриниш ҳам бўлди. ОАВ хабарларида бир нечта кўчаларда ўт қўйиш ҳолатлари ҳам қайд этилган. Ҳуқуқни муҳофаза қилиш органлари ходимлари тартибсиз оломонга қарши кўздан ёш оқизувчи газ ишлатишга мажбур бўлишди. 

Якшанба куни пойтахтда Париж Сен-Жермен ғалабасини нишонлаш пайтида тартибни сақлаш учун тахминан 6000 полиция ходими ва жандармлар сафарбар қилинди.