Тошкентда аёлни қутқаришга уринган Миллий гвардия ҳарбийси ҳалок бўлди
Тошкент шаҳрида Миллий гвардия ҳарбий хизматчиси сувга чўкаётган аёлни қутқаришга уринар экан, ҳалок бўлди.
Ҳодиса «Хотира хиёбони» мемориал мажмуаси яқинида содир бўлган. Маълум қилинишича, Миллий гвардия ҳарбий хизматчилари канал оқимида оқиб кетаётган аёлни пайқаган. Шундан сўнг 21 ёшли ҳарбий уни қутқариш учун сувга тушган.
Бироқ кучли оқим туфайли аёлни ҳам, ҳарбийни ҳам қутқариб қолишнинг иложи бўлмаган. Қутқарув операцияси вақтида ҳарбий сув гирдобига тушиб қолган ва ҳалок бўлган. Унинг жасади кейинчалик қидирув-қутқарув ишлари давомида топилган.
Маълум қилинишича, ҳалок бўлган ҳарбий 21 ёшда бўлган. Яқин кунларда унинг тўйи бўлиши режалаштирилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter