Венгрия парламенти собиқ Олий суд раиси лавозимида ишлаган Андраш Бакани мамлакат президенти этиб сайлади. У расман 19 август куни лавозимига киришади. Сессия парламентнинг Youtube каналида трансляция қилинди.

140 аъзо номзодни ёқлаб, олти киши қарши овоз берди. Собиқ бош вазир Виктор Орбаннинг Фидес партияси ва Христиан Демократик Халқ партияси овоз беришда иштирок этишдан бош тортди.

73 ёшли Андрас Бака 1991 йилдан 2008 йилгача Страсбургдаги Инсон ҳуқуқлари бўйича Европа судида судья бўлиб ишлаган. У 2009 йилда олти йиллик муддатга Венгрия Олий суди раиси этиб сайланган. 2012 йилда унинг ваколат муддати муддатидан олдин тугатилган. Бака Виктор Орбаннинг судьялар учун мажбурий пенсия ёшини 70 ёшдан 62 ёшгача тушириш тўғрисидаги қарорини танқид қилгани учун лавозимидан четлаштирилганини даъво қилди.

Аввал Тамаш Шушок Венгрия президенти бўлиб ишлаган. Унинг ваколат муддати 2029 йилгача давом этиши режалаштирилган эди. Бироқ, 19 июль куни уни муддатидан олдин лавозимидан четлаштиришга имкон берувчи конституциявий тузатиш қабул қилинди. Ушбу тузатиш май ойида лавозимга киришган Венгрия Бош вазири Петер Мадяр томонидан илгари сурилди.