Мунтазам равишда ёнғоқ истеъмол қилиш, айниқса, жисмоний фаоллиги паст ва соғлом овқатланишга риоя қилмайдиган одамларда когнитив кўрсаткичларнинг яхшиланиши билан боғлиқ бўлиши мумкин. Бу хулосага Food & Function (Ф&Ф) журналида чоп этилган тадқиқот муаллифлари келди.

Олимлар Fragnham Heart Study тадқиқотида ўртача ёши 61 бўлган 1771 иштирокчининг маълумотларини таҳлил қилишди. Улар одатий ёнғоқ истеъмоли, хотира ва фикрлаш тестлари баллари, мия ҳажми, нейротрофик омиллар даражаси ва кейинги 10 йил ичида инсулт ва деменция ҳолатларини баҳоладилар.

Инсултни бошдан кечирмаган одамлар орасида ёнғоқни кўпроқ истеъмол қилиш умумий когнитив кўрсаткичларнинг яхшиланиши билан боғлиқ эди. Бу боғлиқлик ҳаракатсиз ёки ёмонроқ овқатланишга эга бўлган иштирокчилар орасида энг муҳим эди. Жисмоний фаол одамлар орасида ёнғоқ истеъмол қилиш умумий мия ҳажмининг катталашиши билан ҳам боғлиқ эди.

Бироқ, 10 йиллик кузатув даврида ёнғоқлар инсулт ёки деменция ҳолатларининг камайиши билан боғлиқ эмас эди.

Аввалроқ олимлар бодомни ҳар куни истеъмол қилиш уйқу сифатини яхшилашга ёрдам беришини аниқлаган.