Aichi-Nagoya-2026: Ўзбекистонлик икки курашчи олтин медални қўлга киритди
Aichi-Nagoya-2026 ёзги Осиё ўйинларида Ўзбекистон курашчилари навбатдаги медалларни қўлга киритди.
-78 кг вазн тоифасида Покизахон Камолиддинова финалда жанубий кореялик Сумин Мони мағлуб этиб, Осиё ўйинлари чемпиони бўлди ва Ўзбекистон делегациясига олтин медал келтирди.
-81 кг вазнда Ахрор Зиёдуллаев ҳам олтин медалга сазовор бўлди. У финалда эронлик Рамин Аҳмадзодани мағлуб этди.
Шунингдек, -78 кг вазн тоифасида қатнашган Шоҳиста Назарова бронза медалини қўлга киритди. У ярим финалда ҳамюрти Покизахон Камолиддиновага имкониятни бой берган эди.
Эслатиб ўтамиз, Ўзбекистон делегацияси Осиё ўйинларининг тўққизинчи кунида 11 та спорт тури бўйича мусобақаларда иштирок этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter