Toshkent viloyatidagi 13 ta madaniy meros yodgorligiga 342 mlrd so‘mlik zarar yetkazilgan. Tariximizga vahshiylik Bosh prokuratura va Madaniy meros agentligi hamkorligida aniqlandi.

Xususan, quyidagi obyektlarga zarar yetkazilgan:

• Oqqo‘rg‘on tumanida «Zokirtepa» (V–VII asrlar) yodgorligining 1400 m³ qismi terak ekish uchun qazilishi oqibatida 44,6 mlrd;
• «Sanchtepa» yodgorligining 129 m³ qismi yo‘l ochish uchun tekislanib 2,2 mlrd;
• Parkent tumanida «Qorovultepa» yodgorligining 941 m³ qismi va «Yertepa» yodgorligining 23 m³ qismi buzilib, jami 16,4 mlrd;
• Piskent tumanida «Mingtepa» (mil. avv. V asr) yodgorligining 7000 m³ qismi buzilib, 231 mlrd;
• Ohangaron tumanida «Dumgalaktepa» (V-VI asrlar) yodgorligining 658 m³ qismi texnika yordamida qazilib 21 mlrd;
• Yuqorichirchiq tumanida «Xojakaytepa» (V-VII asrlar) yodgorligining 43 m³ qismi tekislanib, 1,3 mlrd;
• O‘rtachirchiq tumanida «Tuyabo‘g‘iztepa» yodgorligining 54 m³ qismi buzilib, 1,7 mlrd;
• Nurafshon shahrida «Chordaratepa» (II-VIII asrlar) yodgorligining 38 m³ qismi buzilib, 1,2 mlrd so‘m zarar yetkazilgan.

Jami 13 ta yodgorlikka 342 mlrd so‘m zarar yetkazilgani aniqlanib, jinoyat ishlari qo‘zg‘atildi va dastlabki tergov harakatlari olib borilmoqda. Nazorat tadbirlari davom ettirilmoqda, deyiladi xabarda.