Ўзбекистон картошкани асосан қайси давлатлардан сотиб олди?
2026 йил январ–июн ойларида Ўзбекистонга 11 та давлатдан қиймати 34 млн АҚШ долларига тенг бўлган 421 минг 918 тонна картошка олиб кирилган. Бу ҳақда Миллий статистика қўмитаси маълум қилди.
Импорт ҳажми 2025 йилнинг мос даврига нисбатан қарийб 46,9 минг тоннага камайган. Шунга қарамай, ярим йиллик импортда Қозоғистоннинг улуши юқори бўлган.
Қозоғистондан 337,9 минг тонна картошка етказиб берилган. Бу умумий импорт ҳажмининг асосий қисмини ташкил қилади. Кейинги ўринларда Покистон ва Қирғизистон қайд этилган.
Покистондан 33,8 минг тонна картошка импорт қилинган. Қирғизистон 14,8 минг тонна билан кейинги ўринни эгаллаган.
Афғонистондан 13,5 минг тонна, Нидерландиядан эса 9,7 минг тонна картошка олиб кирилган. Бошқа давлатлар ҳиссасига 12,2 минг тонна тўғри келган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter