2026 йилнинг январ–март ойларида республика бўйича кўчиб келганлар жами 80 159 кишини ташкил этди. Шундан 79 438 нафар фуқаро мамлакат ичидаги ҳудудлардан, 721 киши эса хорижий давлатлардан келган.

Шу даврда кўчиб кетганлар сони 81 715 кишига етди. Улардан 79 438 нафари республика ичида бошқа ҳудудларга кўчган бўлса, 2 277 киши хорижга кетган.

Сўнгги йиллар динамикасига кўра, хорижга кетувчилар сони 2023 йилда 4 053 нафаргача кўтарилган бўлса, кейинги йилларда пасайиб, 2026 йилда 2 277 нафарни ташкил этган. Шу билан бирга, хориждан келувчилар 2026 йилда 721 нафарга етган.

Ҳудудлар бўйича таҳлиллар миграцияда катта фарқларни кўрсатмоқда. Энг кўп кўчиб келганлар Тошкент шаҳри ҳиссасига тўғри келиб, 28 152 нафарни ташкил этган. Шу билан бирга, ушбу ҳудуддан 20 621 нафар фуқаро кўчиб кетган.

Тошкент вилоятида 11 486 нафар келган ва 8 278 нафар кетган. Самарқанд вилоятида 4 478 нафар келган бўлса, 5 779 нафар чиқиб кетган. Қашқадарёда 4 137 нафар келган, аммо 6 598 нафар ҳудудни тарк этган.

Қорақалпоғистон Республикасида 3 545 нафар келган, 4 418 нафар кетган. Бошқа вилоятларда ҳам, жумладан Андижон, Бухоро ва Фарғонада кетувчилар сони кўпчилик ҳолатда келувчилардан юқори бўлиб қолмоқда.