«S&P» агентлиги Ўзбекистоннинг суверен кредит рейтинги кутилмасини «ижобий» баҳолади
«S&P Global Ratings» халқаро агентлиги Ўзбекистоннинг суверен кредит рейтинги прогнозини «барқарор» даражадан «ижобий» даражага яхшилади.
2025 йилнинг 23 май куни «S&P» халқаро рейтинг агентлиги томонидан Ўзбекистон суверен кредит рейтингига бағишланган навбатдаги ҳисобот эълон қилинди. Унга кўра республиканинг кредит рейтинг баҳоси «BB-» даражасида тасдиқланди ва илк бора рейтинг кутилмаси «барқарор»дан «ижобий»га оширилди.
Ҳисоботда Ўзбекистон суверен кредит рейтинги кутилмасининг «ижобий»га оширилишининг асосий омиллари сифатида 2017 йилдан иқтисодиётни либераллаштириш ва барқарорлигини ошириш, бошқарув сифати ва макроиқтисодий сиёсатни такомиллаштиришга қаратилган давомий ҳаракатлар алоҳида эътироф этилган.
Маълумот учун, 2025 йил бошидан «S&P» томонидан 10 та мамлакатнинг (Португалия, Саудия Арабистони, Албания ва б.) рейтинг баҳоси/кутилмаси оширилган ва 13 та мамлакатники пасайтирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter