АҚШ Сенати Трампнинг Эрон бўйича ваколатларини чеклашни қўллаб-қувватлади
АҚШ Сенати президент Доналд Трампнинг Эронга қарши ҳарбий ҳаракатлар бўйича ваколатларини чеклашга қаратилган резолюцияни маъқуллади.
Овоз бериш якунларига кўра, ҳужжатни 50 нафар сенатор қўллаб-қувватлаган, 48 нафар сенатор эса қарши чиққан. Демократлар томонидан илгари сурилган ташаббусни тўрт нафар республикачи сенатор ҳам қўллаб-қувватлаган.
Шу билан бирга, резолюция рамзий аҳамиятга эга бўлиб, юридик кучга эга эмас. Шу сабабли у президент қарорларини тўғридан-тўғри бекор қилиш имконини бермайди.
Ҳужжат Конгрессда Трамп маъмуриятининг Эронга нисбатан сиёсати юзасидан мавжуд норозиликларни акс эттиради. Қонунчилик органи вакиллари президент феврал ойи охирида Эронга қарши ҳарбий операция ўтказиш ҳақидаги қарорни Конгресс розилигисиз қабул қилганини танқид қилмоқда.
АҚШ Конституциясига мувофиқ, расман уруш эълон қилиш ваколати Конгрессга тегишли ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter