Футбол бўйича 2026 йилги жаҳон чемпионатининг гуруҳ босқичи якунлангач, плей-оффнинг илк босқичи – 1/16 финал (32 жамоа босқичи)да ўзаро баҳс олиб борадиган барча жуфтликлар аниқланди. Бу босқичда 12 гуруҳ ғолиби, 12 гуруҳ иккинчи ўрин соҳиблари ҳамда энг яхши натижа қайд этган саккизта учинчи ўрин жамоаси иштирок этади.

Плей-оффнинг барча жуфтликлари қуйидагича:

• Жанубий Африка Республикаси – Канада;
• Бразилия – Япония;
• Германия – Парагвай;
• Нидерландия – Марокаш;
• Кот-д'Ивуар – Норвегия;
• Франция – Швеция;
• Мексика – Эквадор;
• Англия – Конго Демократик Республикаси;
• Бельгия – Сенегал;
• АҚШ – Босния ва Герцеговина;
• Испания – Австрия;
• Португалия – Хорватия;
• Швейцария – Жазоир;
• Австралия – Миср;
• Аргентина – Кабо-Верде;
• Колумбия – Гана.

Плей-офф босқичига старт бугун Жанубий Африка Республикаси ва Канада ўртасидаги учрашув билан берилади. Беллашув Тошкент вақти билан 00:00 да бошланади.

Эслатиб ўтамиз, бу йилги жаҳон чемпионати тарихда илк бор 48 та жамоа иштирокида ўтказилмоқда. Янги форматга кўра, гуруҳ босқичидан кейин мусобақа тўғридан-тўғри чиқиб кетиш тизими бўйича давом этади. Плей-оффда мағлуб бўлган жамоалар мусобақани тарк этади, ғолиблар эса 1/8 финалга йўл олади.