Кюрасаони ЖЧ-2026 га олиб чиққан таниқли мураббий истеъфога чиқди
Кюрасаони ЖЧ-2026 га олиб чиқиб шов-шув кўтарган нидерландиялик мутахассис Дик Адвокат терма жамоа бош мураббийлигидан кетди. Унинг ўрнига Фред Рюттен тайинлангани ҳақида жамоа матбуот хизмати X ижтимоий тармоғида маълум қилди.
78 ёшли Дик Адвокат вақтини оғир хасталикка чалинган қизи ва оиласига бағишлашга қарор қилган.
У жамоани 2024 йил январидан буён бошқариб келаётган эди ва Кюрасаони тарихда биринчи марта жаҳон чемпионатига олиб чиқди. Эслатиб ўтамиз, у 2025 йил ноябрида Ямайкага қарши кечган ҳал қилувчи саралаш ўйинини ҳам ўтказиб юборган ва «оила футболдан муҳимроқ» эканини таъкидлаган эди.
Адвокатнинг ёрдамчиси Кор Пот ҳам Кюрасао терма жамоасини тарк этди.
Янги мураббий Рюттен бунгача «ПСВ», «Твенте», «Андерлехт», «Шалке» ва бошқа жамоаларни бошқарган.
Кюрасао ЖЧ-2026 да Германия, Эквадор ва Кот-д'Ивуар билан бир гуруҳдан жой олган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter