2025 йил ноябр ойида Лондон ғарбидаги Марриотт меҳмонхонасидаги хонасида ўлик ҳолда топилган йигирма тўққиз ёшли Саудия Арабистони шаҳзодаси Абдуллоҳ бин Фаҳад бин Абдуллоҳ бин Абдулазиз бин Жалавий Ал Сауд гиёҳванд моддалар истеъмол қилган деб топилди.

Суд унинг ўлимини кўп миқдорда гиёҳванд моддалар билан заҳарланиш натижасида келиб чиққан бахтсиз ҳодиса деб топди, деб хабар беради The Telegraph. 

Суд-тиббий экспертиза унинг организмида ўлимга олиб келиши мумкин бўлган ноқонуний гиёҳванд моддалар ва транквилизаторларнинг дозасини, шунингдек, юқори даражадаги алкоголь миқдорини аниқлади. Видеокузатув камералари тасвирларида шаҳзода ўлим куни хонасида ёлғиз бўлганлиги кўрсатилган. Суд-тиббий эксперт ёрдамчиси Жан Харкиннинг сўзларига кўра, суд-тиббий экспертлар бошқа сиёсий сабабларни истисно қилишган.

Ҳодиса шунингдек, ўз жонига қасд қилишга уриниш деб ҳисобланмаган. 

Судда воқеадан уч ой олдин у Лондоннинг Priory шифохонасида спиртли ичимликлар, бензодиазепинлар ва хавотирга қарши прегабалин препаратидан детоксификация қилингани айтилган. Иш тўсатдан ёки зўравонлик билан ўлим сабабларини аниқлайдиган суд-тиббий экспертиза суди томонидан кўриб чиқилган.