Тарихдаги энг яхши «Олтин тўп» соҳиби эълон қилинди
«Ан-Наср» ва Португалия терма жамоаси ҳужумчиси Криштиану Роналду тарихдаги энг буюк «Олтин тўп» соҳиби деб топилди.
Криштиану Роналду футболнинг энг нуфузли шахсий мукофотининг расмий веб-сайтида ўтказилган овоз беришда Лионел Мессини ортда қолдирди.
2008 йилда Роналду «Манчестер Юнайтед» сафида 49 та ўйинда 42 та гол уриб, Европа Чемпионлар Лигаси, Премьер-лига, Клублар ўртасидаги Жаҳон чемпионати ва Community Shield мусобақаларида ғолиб чиқди, «Олтин бутса»ни қўлга киритди. Шунингдек, ФИФА ва УЕФАнинг «Йилнинг энг яхши ўйинчиси» деб топилди.
Тарихдаги энг яхши бешта «Олтин тўп» соҳиби рўйхатига фақат иккита ўйинчи кирди: Роналду (3) ва Месси (2). Овоз бериш пуллик бўлиб, ҳар бир овоз 1 еврога тушди ва ҳеч қандай чекловлар йўқ эди.
41 ёшли Криштиану Роналду фаолияти давомида беш марта «Олтин тўп»ни қўлга киритган. 2026 йилда Англия терма жамоаси ҳужумчиси Ҳарри Кейн биринчи марта ушбу мукофотни қўлга киритди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter