Bolgariyada parlament saylovlarida sobiq prezident koalitsiyasi g‘alaba qozondi
Bolgariyada muddatidan oldin o‘tkazilgan Parlamentga saylovlarda (52-chaqiriq) sobiq prezident Rumen Radev boshchiligidagi «Progressiv Bolgariya» koalitsiyasi g‘alaba qozondi.
Markaziy saylov komissiyasining rasmiy ma’lumotlariga ko‘ra, koalitsiya uchun saylovchilarning 44,676 foizi (1,44 mln kishi) ovoz bergan.
Bolgariya parlamentidan 5 ta partiya joy oldi.
Bolgariya Xalq majlisidagi jami 240 ta o‘rinning 131 tasini (mutlaq ko‘pchilik) «Progressiv Bolgariya» koalitsiyasi qo‘lga kiritdi.
Qolgan o‘rinlar quyidagicha taqsimlandi:
GERB (Boyko Borisov): 39 ta o‘rin (13,37 foiz);
«O‘zgarishlarni davom ettiramiz — Demokratik Bolgariya»: 38 ta o‘rin;
«Huquq va erkinliklar harakati» hamda «Tiklanish» partiyalari qolgan mandatlarga ega bo‘ldi.
62 yoshli Rumen Radev ushbu natijani «umidning ishonchsizlik ustidan, erkinlikning qo‘rquv ustidan qozonilgan g‘alabasi» deb atadi. Parlamentning to‘liq tarkibi 25 aprel kuni rasman e’lon qilinadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter