Абдул Эл-Сайед АҚШ Сенатига сайланган илк мусулмон бўлди
АҚШда ўтказилган оралиқ сайловларда демократ Абдул Эл-Сайед Мичиган штатидан Сенатга сайланиб, мамлакат тарихида бу лавозимга сайланган биринчи мусулмон сифатида тарихга кирди.
Reuters агентлигининг хабар беришича, 42 ёшли Эл-Сайед 3 ноябрдаги сайловда республикачилар номзоди, собиқ конгрессмен Майк Рожерсни мағлуб этган. Бу натижа АҚШ оммавий ахборот воситаларининг сайлов прогнозлари асосида эълон қилинган.
Мисрлик муҳожирлар оиласида туғилган Эл-Сайед шифокор ва жамоат саломатлиги соҳаси мутахассиси ҳисобланади. У аввал Детройт шаҳри соғлиқни сақлаш тизимида раҳбарлик лавозимида ишлаган.
Сайловолди кампаниясида у тиббий хизматдан фойдаланиш имкониятларини кенгайтириш, аҳоли харажатларини камайтириш ва АҚШнинг Исроилга ҳарбий ёрдамини тўхтатиш тарафдори бўлган.
Эл-Сайед 2027 йил январда янги Конгресс иш бошлагач, АҚШ Сенатида фаолият юритган биринчи мусулмонга айланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter