Афғонистонда тошқинлар сабаб 20 киши ҳалок бўлди
Афғонистоннинг Нуристон вилоятидаги сув тошқинлари 20 кишининг ҳаётига зомин бўлди ва 80 киши жароҳат олди. Бу ҳақда мамлакатнинг Миллий табиий офатларни бошқариш бошқармаси хабар берди.
Қурбонлар сони дастлабки бўлиб, ҳудудларда қидирув-қутқарув ишлари давомида уларнинг сони ортиши мумкинлиги айтилган.
Шунингдек, 100 дан ортиқ одам бедарак йўқолгани таъкидланган.
Прогнозларга кўра, Транспорт ва фуқаро авиацияси вазирлигининг Метеорология бошқармаси кучли чангли шамол ва момақалдироқ билан бирга келадиган кучли ёмғирлар ҳақида огоҳлантирган, бу эса бир нечта вилоятларда сув тошқинларига олиб келиши мумкин.
Агентлик аҳолини дарё бўйлари ва сув тошқини хавфи юқори бўлган ҳудудлардан узоқроқ туришга, вилоят фавқулодда вазиятларга тайёргарлик қўмиталари томонидан берилган кўрсатмаларга амал қилишга ва зарур эҳтиёт чораларини кўришга чақирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter