Financial Times нашри хабар беришича, Эрон кемалардан Ҳўрмуз бўғози орқали ўтиш учун криптовалютада тўловни талаб қилди. 

Эрон нефт, газ ва нефт-кимё экспортчилари иттифоқи раиси Ҳамид Ҳусайний нашрга ҳар бир ташилган баррел учун бир доллар тўлов амалга оширилишини айтди; бўш танкерлар бўғоздан бепул ўтишлари мумкин. 

Ҳусайнийнинг таъкидлашича, криптовалютада тўлов транзакцияларни кузатиш ва потенциал санкциялардан ҳимоя қилиш учун танланган. Кемалар бўғоздан ўтишдан олдин Эрон расмийларига хабар беришлари ва уларнинг рухсатини олишлари керак; Эрон қоидабузарларни «йўқ қилиш» билан таҳдид қилмоқда. 

Эслатиб ўтамиз, Қўшма Штатлар, Исроил ва Эрон 8 апрел кечаси урушда вақтинчалик сулҳ тузиш тўғрисида келишувга эришдилар. Ушбу келишувнинг асосий шарти Эроннинг Ҳўрмуз бўғози орқали юк ташишни очишидир. 

Сулҳ икки ҳафтага мўлжалланган бўлиб, унинг давомида томонлар тўғридан-тўғри музокаралар орқали доимий тинчликка эришишга ҳаракат қилишади.