Ўзбекистонга пойабзал импорти қарийб 15 фоизга камайди
Миллий статистика қўмитасига кўра, 2026 йил январ–феврал ойларида Ўзбекистонга 28 та давлатдан 115 минг 300 жуфт пойабзал импорт қилинган. Уларнинг умумий қиймати 1,7 млн АҚШ долларини ташкил этган.
Қайд этилишича, мазкур кўрсаткич ўтган йилнинг шу даврига нисбатан сезиларли даражада камайган. Хусусан, импорт ҳажми 19 минг 500 жуфтга ёки 14,5 фоизга қисқаргани қайд этилган.
Ҳисобот даврида Ўзбекистонга энг кўп пойабзал Хитойдан олиб кирилган. Унинг улуши 94 минг 600 жуфтни ташкил этган бўлиб, умумий импортда мутлақ устунлик сақланган.
Шунингдек, Ветнамдан 5 минг 200 жуфт, Туркиядан 3 минг 400 жуфт пойабзал импорт қилинган. Бу давлатлар ҳам асосий таъминотчилар қаторида қайд этилмоқда.
Ҳиндистондан 2 минг 500 жуфт, Индонезиядан 2 минг жуфт пойабзал олиб кирилган. Қолган 7 минг 600 жуфт эса бошқа давлатлар ҳиссасига тўғри келган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter