Бу йилги Мустақиллик байрами ижтимоий тармоқларда чин маънода портлади. Президент Шавкат Мирзиёевнинг нутқи, байрам сценарийси ва саҳнадаги чиқишларга фойдаланувчилардан жуда катта, самимий ва кучли реакция бўлди.

Изоҳларни ўқиб, бир нарса яққол кўринади: одамлар байрамни шунчаки томоша қилмаган — ҳис қилган.

“Жуда зўр!”, “Бошқача бўлди!”, “Таъсирли!”, “Гап йўқ!”, “Саҳнадаги энергия ва жонли ижро одамни лол қолдирди, ҳақиқий байрам кайфияти!”, “Ҳарбийларнинг сафдаги келишган ва қатъий қадамлари қалбимизни ғурурга тўлдиради”, “Жуда гўзал байрам, бетакрор байрам”... — ижтимоий тармоқлардаги минглаб фикрларда бир хил кайфият.

Айниқса, Президент нутқидаги фикрлар алоҳида муҳокама қилинди. Ватан тарихи, бугунги ислоҳотлар ва келажакка ишонч уйғунлашган нутқ кўпчиликда кучли таассурот қолдирди.

Бу йилги Мустақиллик байрами саҳнада ўзгача бўлди — ижтимоий тармоқлардаги реакция эса бундан ҳам кучли!

Бу шунчаки изоҳлар эмас. Бу — халқнинг байрамга бўлган кайфияти.