1 сентябр Вашингтонда ҳам Ўзбекистон мустақиллиги куни деб эълон қилинди
АҚШ пойтахти Вашингтон шаҳрида 1 сентябр Ўзбекистон Республикасининг Мустақиллик куни деб эълон қилинди. Тегишли декларацияни Вашингтон мэри Мюриэл Баузер имзолаган.
Декларацияда Ўзбекистон мустақиллигининг 35 йиллиги, мамлакатнинг бой маданий мероси, эришаётган ютуқлари ва халқаро ҳамжамиятдаги нуфузи эътироф этилган.
Ҳужжатда, шунингдек, Ўзбекистоннинг Вашингтондаги элчихонаси элчи Фурқат Сидиқов раҳбарлигида шаҳар билан ҳамкорлик қилиб, унинг таълимий ва маданий хилма-хиллигини ривожлантиришга ҳисса қўшаётгани қайд этилган.
«Биз бутун дунёдаги ўзбекистонликлар билан биргаликда Ўзбекистон мустақиллиги кунини нишонлаймиз. Бу кун халқларимизни бирлаштирадиган мустаҳкам дўстлик, ҳамкорлик ва умумий интилишларни шарафлайди», — дейилади декларацияда.
Шу муносабат билан Ўзбекистоннинг Вашингтондаги элчиси мэр Мюриэл Баузерга миннатдорлик билдирди.
Аввалроқ Сиэтлда ҳам 1 сентябр Ўзбекистон мустақиллиги куни деб эълон қилинган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter