Марказий банк ваколатлари ва мустақиллиги кучайтирилмоқда
Олий Мажлис Қонунчилик палатасида Марказий банк фаолиятини такомиллаштиришга қаратилган қонун лойиҳаси биринчи ўқишда кўриб чиқилди.
Лойиҳага кўра, Марказий банк ва унинг тизими фаолиятини текшириш Сенат қарори ёки қонунда белгиланган ҳолатлардагина амалга оширилади. Кредит ташкилотлари учун белгиланадиган талаблар ва норматив ҳужжатларни рўйхатдан ўтказиш тартиби соддалаштирилади. Шунингдек, молия бозорида фавқулодда ҳолатлар юзага келганда тезкор ҳуқуқий чоралар кўриш механизми жорий этилади.
Депутатлар қонун лойиҳаси банк тизими барқарорлигини таъминлаш, таваккалчиликларни бошқариш ва халқаро амалиётларни жорий этишда муҳим аҳамиятга эга эканини таъкидлади.
Қонун лойиҳаси Қонунчилик палатаси томонидан қабул қилиниб, Сенатга юборилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter