Тошкентдаги айрим кўчалар 11 майгача ёпилди
Тошкент шаҳри марказида айрим кўчаларда транспорт ҳаракати вақтинча чекланди. Шаҳар ҳокимлиги маълум қилишича, чекловлар 2 майдан 11 майгача амал қилади.
Бунинг сабаби Миллий кутубхона олдидаги майдонда ўтказиладиган «Tashkent Flowers Fest 2026» гуллар фестивали билан боғлиқ. Айниқса, 7–9 май кунлари тадбирнинг асосий қисми ўтказилиши режалаштирилган.
Шу муносабат билан Миллий кутубхона атрофидаги йўлларда транспорт воситалари ҳаракати тўлиқ ёки қисман тўхтатилди.
Чекловлар бир нечта марказий кўчаларни қамраб олган. Жумладан, Зарафшон кўчасининг «Hyatt Regency Tashkent» меҳмонхонаси олдидан Мустақиллик шоҳ кўчасигача бўлган қисми ёпилди.
Шунингдек, Истиқлол кўчасининг Амир Темур шоҳ ва Буюк Турон кўчалари оралиғидаги қисмида ҳаракат чекланган.
Буюк Турон кўчасининг Истиқлол кўчасидан Ёшлар ижод саройигача бўлган қисмида ҳам транспорт қатнови вақтинча тўхтатилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter