Жазирама иссиқда бир дона музқаймоқ ейиш ҳақиқий ҳузур. Аммо ушбу ширинликни ҳар куни мунтазам истеъмол қилсак, соғлиғимизда қандай ўзгаришлар юз беради? Бу шунчаки ширинхўрликми ёки организм учун яширин фойдалар хазинаси? Келинг, ушбу саволларга тиббий тадқиқотлар ва фан нуқтаи назаридан жавоб излаймиз.

​Музқаймоқ асосан сут ва қаймоқдан тайёрлангани боис, у табиий кальций манбаи ҳисобланади. Ҳар куни музқаймоқ ейиш организмни кальцийга тўйинтиради, бу эса суяклар ва тишлар саломатлиги учун жуда муҳим.

Гарвард соғлиқни сақлаш мактаби (Harvard T.H. Chan School of Public Health) тадқиқотларига кўра, сут маҳсулотларидан олинадиган кальций суяк емирилиши хавфини камайтиради. Шунингдек, у сут оқсили ҳисобига оқсилга бўлган кундалик эҳтиёжни қисман қондиради, бу эса мушаклар тикланиши учун ниҳоятда зарур.

​Кўпчилик совуқ маҳсулотлар томоқни оғритади деб ўйлайди, ваҳоланки, меъёрида ейилган совуқ ширинлик томоқдаги маҳаллий иммунитетни оширади ва томирларни чиниқтиради.

Оғиз бўшлиғи ва қизилўнгачда сезилган совуқлик асаб толалари орқали юракка рефлектор тарзда ижобий таъсир кўрсатади, юрак уришини мўътадиллаштиришга ёрдам беради.

​Музқаймоқ ейиш инсонга қувонч бағишлаши илмий исботланган. Унинг таркибидаги L-триптофан аминокислотаси кайфиятни кўтаради ва антидепрессант таъсирга эга.

Лондон Асаб касалликлари институти олимлари томонидан ўтказилган нейровизуализация тадқиқотлари шуни кўрсатдики, музқаймоқнинг атиги бир қошиғи бош миядаги қониқиш ва бахт учун масъул бўлган "орбитофронтал кортекс" қисмини бир лаҳзада фаоллаштиради. тайёрланган маҳсулот организмнинг В гуруҳ витаминларига бўлган талабини қондиради. Агар сиз сифатли, табиий йогуртли ёки тирик лактобактериялар билан бойитилган музқаймоқ истеъмол қилсангиз, у ичак микрофлорасини тиклашга ҳам хизмат қилади.

Хорижий репродуктологларнинг (жумладан, Гарвардда ўтказилган "The Nurses Health Study" йирик тадқиқоти) аниқлашича, музқаймоқни меъёрида истеъмол қилиш аёлларда овуляция жараёнини яхшилайди ва бепуштликнинг олдини олишга ёрдам беради. Таркибидаги фосфор ва кальций фоизлари эркакларга қўшимча қувват беради ва мушаклар тонусини ушлаб туради.

​Ҳар куни музқаймоқ ейишнинг ижобий томонлари кўп бўлса-да, танганинг иккинси томони ҳам бор. Агар маҳсулот сифатсиз бўлса, юқоридаги фойдаларнинг барчаси чиппакка чиқади.

Сунъий бўёқлар, таъм берувчилар ва консервантлар (айниқса арзон пальма ёғи) қўшилган музқаймоқларни емаганингиз маъқул! Улар қонда холестеринни оширади ва ичак фаолиятини бузади.

Агар сизда лактозага сезувчанлик бўлса ёки ҳаддан ташқари шакарли маҳсулот есангиз, бу юздаги ҳуснбузарларни кетказмайди, аксинча, уларни кўпайтириб юбориши мумкин. Шу боис, терисида муаммоси бор инсонларга шакарсиз ва табиий сорбетлар тавсия этилади.

Ҳар куни юқори калорияли, шоколад ва сиропли музқаймоқ ейиш вазн ортиши ва қонда шакар миқдорининг кескин тебранишига (инсулин резистентлигига) олиб келиши мумкин.

​Агар сиз ҳар куни музқаймоқ ейишни одат қилмоқчи бўлсангиз, унинг таркибига эътибор беринг. Энг мақбул танлов таркибида шакар миқдори кам бўлган, соф қаймоқ ва сутдан тайёрланган ёки мевали сорбетлардир. Кунига 100-150 грамм табиий музқаймоқ соғлиғингизга фақатгина фойда ва юқори кайфият бағишлайди!