2026 йилда 49 мингдан ортиқ экстремистик ва террорчилик интернет-ресурси аниқланди – ДХХ
2026 йилда экстремистик ва террорчилик хусусиятига эга 49 мингдан зиёд интернет-ресурс аниқланди. Бу ҳақда Давлат хавфсизлик хизмати раиси, генерал-полковник Баҳодир Қурбонов 6 ноябрь куни Самарқандда ўтказилаётган ШҲТ плюс биринчи экспертлар мулоқотида маълум қилди.
Унинг таъкидлашича, бу 2025 йилдаги кўрсаткичдан (43 мингга яқин) 14 фоизга кўп.
ДХХ раҳбари террорчилик ташкилотлари рақамли технологиялардан радикал ғояларни тарқатиш, тарафдорларни ёллаш, терактларни молиялаштириш ва амалга оширишда фаол фойдаланаётганини қайд этди.
Шунингдек, 2026 йилги Глобал терроризм индексида Ўзбекистон 96-ўринни эгаллаб, минимал хавф тоифасига киргани маълум қилинди.
Баҳодир Қурбонов рақамли муҳитда террорчилар фаолиятининг янги усулларини аниқлаш ва сунъий интеллектдан террорчилик мақсадларида фойдаланишнинг олдини олиш устувор вазифалардан эканини таъкидлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter