Фарғона ва Наманганда гиёҳвандлик воситалари ноқонуний айланмасига чек қўйилди
Давлат хавфсизлик хизмати ходимлари Ички ишлар ва Божхона органлари билан ҳамкорликда Фарғона ва Наманган вилоятларида гиёҳвандлик воситаларининг ноқонуний айланмасига қарши тезкор тадбирлар ўтказди.
Қўқон шаҳрида аввал судланган 44 ёшли фуқаронинг хонадони текширилганда, ертўладан 782 дона «Тропикамид» кучли таъсир қилувчи дори воситаси топилган.
Яна бир ҳолатда 1975 йилда туғилган шахснинг яшаш хонадонидан 758 грамм гашиш, гиёҳвандлик воситалари қолдиқлари бўлган 6 та пичоқ ва 4 та электрон тарози аниқланган.
Наманган вилоятида эса «Фарғона–Наманган» йўналишида ҳаракатланаётган Lacetti автомашинаси тўхтатилиб текширилганда, салондан 465 грамм гашиш топилган. Автомашинани Олтиариқ туманида яшовчи 1998 йилда туғилган шахс бошқариб келаётган бўлган.
Ҳозирда барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter