Германия канцлери Фридрих Мерц Россия президенти Владимир Путиннинг ташаббусига жавоб қайтарди. 

Германия канцлери Фридрих Мерц Россия билан эҳтимолий музокараларда Европадан ким вакиллик қилишини иттифоқнинг ўзи белгилашини айтди. Президент Владимир Путин илгари бу ролга собиқ Германия канцлери Герхард Шредерни таклиф қилган эди. 

«Биз бу даҳшатли урушни иложи борича тезроқ тугатишга ёрдам бермоқчимиз», деди Мерц (Guardian газетасидан иқтибос келтирган ҳолда). Бироқ, у мулоқот «ўзаро ирода» ни талаб қилишини қўшимча қилди.

«Биз, европаликлар номидан фақат ўзимиз гапиришимиз мумкин, бошқа ҳеч ким эмас», деб таъкидлади Германия канцлери. Фридрих Мерц шунингдек, Россия ҳужумлари Путиннинг «уруш тугамоқда» деган сўзларига зид келишини айтди. 

7 май куни Европа Кенгаши президенти Антонио Коста Европа Иттифоқининг Владимир Путин билан потенциал музокараларга тайёргарлигини эълон қилди. 9 май куни Владимир Путин Шредерни муносиб музокарачи деб атади. 

Герхард Шредер Путин билан анча яқин алоқаларга эга. У ҳатто Россия компанияларидан улуш олиб келгани ҳақида маълумотлар мавжуд.