Жанубий Корея президенти ягона уйини сотиб юборди
Жанубий Корея президенти Ли Чже Мён ўзининг ягона квартирасини сотиб юборди.
The Korea Herald нашрининг хабар беришича, у ҳукуматнинг кўчмас мулк бозорини барқарорлаштириш кампаниясини қўллаб-қувватлаш учун уни сотишга қарор қилди.
«Менинг энди уйим йўқ», деди сиёсатчи Вазирлар Маҳкамаси йиғилишида.
Президент девони дастлабки савдо шартномаси имзоланганини ва битим яқин орада якунланишини тасдиқлади. Президент квартирага биринчи хоним Ким Хе Кён билан биргаликда эгалик қилган. Эр-хотин ҳозирда Сеулнинг Ханнамдон туманидаги расмий қароргоҳда истиқомат қилишади.
Президент Сеул яқинидаги ҳашаматли Соннам туманида жойлашган мулкни феврал ойида сотувга қўйди. Сиёсатчи кўчмас мулк бозоридаги спекуляция ва уй нархларининг тез ўсиб боришига қарши курашиш бўйича кенг кўламли саъй-ҳаракатлар доирасида Жанубий Кореянинг солиқ ва молиявий сиёсатини қайта кўриб чиқиш режасини эълон қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter