Ўзбекистон 3 ойда қарийб 70 минг тонна банан импорт қилди
Миллий статистика қўмитаси маълумотларига кўра, 2026 йилнинг январ–март ойларида Ўзбекистонга 9 та хорижий давлатдан 69 минг тонна банан импорт қилинган. Импорт қилинган маҳсулотнинг умумий қиймати 20,4 млн АҚШ долларини ташкил этган.
Ҳисобот даврида банан импорти ҳажми 2025 йилнинг мос даврига нисбатан 21,3 минг тоннага ёки 44,7 фоизга ошгани қайд этилди. Бу мамлакатда импорт меваларга талаб юқорилигича қолаётганини кўрсатмоқда.
Статистикага кўра, Эквадор Ўзбекистон бозорига энг йирик етказиб берувчи давлат бўлиб қолмоқда. 2026 йилнинг дастлабки уч ойида Ўзбекистонга энг кўп банан Эквадордан импорт қилинган. Ушбу давлатдан 53,5 минг тонна маҳсулот олиб кирилган.
Иккинчи ўринни Хитой эгаллаган бўлиб, бу давлатдан 11,1 минг тонна банан импорт қилинган. Туркиядан эса 3,4 минг тонна маҳсулот етказиб берилган.
Шунингдек, Россиядан 404,3 тонна банан импорт қилинган. Бошқа давлатлар ҳиссасига эса 555,8 тонна маҳсулот тўғри келган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter