Ўзбекистоннинг футбол бўйича миллий терма жамоаси FIFA жаҳон чемпионатида иштирок этиш учун АҚШга учиб кетди.

Эслатиб ўтамиз, 2026 йилги жаҳон чемпионати АҚШ, Мексика ва Канада ҳудудида ўтказилади.

Каннаваро бошчилигидаги жамоа 1 июн куни Канадага қарши ўртоқлик учрашуви ўтказади, 8 июнда эса Нидерландия билан баҳс олиб боради.

«Оқ бўрилар»нинг жаҳон чемпионатидаги иштироки эса Мексикадаги ўйиндан бошланади. Жамоа 18 июн куни Колумбияга қарши биринчи учрашувини Мехикодаги «Ацтека» стадионида ўтказади.

23 июн куни жамоа Португалия терма жамоасига қарши майдонга тушади. Баҳс АҚШнинг Хюстон шаҳридаги стадионида бўлиб ўтади.

Гуруҳ босқичидаги сўнгги ўйин 28 июн куни Атлантадаги стадионда Конго Демократик Республикасига қарши ўтказилади.

Аввалроқ, Конго терма жамоаси Эбола вируси тарқалганлиги сабабли Белгияда карантин муддатини ўтаб, кейин АҚШга келиши талаб этилган, акс ҳолда жамоа жаҳон чемпионатидан четлатилиши мумкинлиги маълум қилинганди.