Зеленский Путин ишғол қилган шаҳарда кўриниш берди
Украина президенти Владимир Зеленский Купянск шаҳри кириш қисмидаги стеласи ёнида суратга олинган видеосини эълон қилди.
«Бугун бизнинг аскарларимиз Купянск йўналишида Украина учун натижаларга эришяпти. Кўплаб россияликлар Купянск ҳақида гапиришганди – биз эса буни кўриб турибмиз. Мен йигитларни табриклайман», – деди Зеленский видеода.
Воқеалар ривожида эса 20 ноябрда Россия Бош штаби бошлиғи Валерий Герасимов президент Владимир Путинга Купянск Россия назорати остига ўтгани ҳақида ҳисобот берганди.
27 ноябрда Путин Купянскдаги қаршилик кучлари зарарсизлантирилгани ва шаҳар тўлиқ руслар қўлига ўтганини эълон қилган.
2 декабрга келиб Герасимов Путинга Россия ҳарбийлари Купянск ҳудудида қуршовда қолган Украина ҳарбийлари гуруҳини сиқувга олаётганини айтган. Путин ишғол қилинган шаҳарга хорижлик журналистларни таклиф қилган.
12 декабр куни Владимир Зеленский Купянскдан видеомурожаат қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter