Ўзбекистонлик гроссмейстер Жавоҳир Синдоров фаолиятида илк бор FIDE Circuit 2026/2027 мавсумининг умумий рейтингида биринчи ўринга кўтарилди. Бу ҳақда FIDE расмий сайти хабар берди.

Жавоҳир Синдоров 75,28 очко билан жаҳон рейтингида пешқадам бўлиб турибди. У АҚШнинг Шарлотт шаҳрида ўтказилган Naroditsky Memorial турниридаги икки ғалабаси эвазига яна бир ватандошимиз Нодирбек Абдусатторовни (65,64) ортда қолдирди. Учинчи ўринни америкалик Фабиано Каруана (54,58) эгаллаб турибди.

FIDE Circuit 2026/2027 рейтингидаги кучли ўнлик қуйидагича:

1. Жавоҳир Синдоров (Ўзбекистон) — 75,28
2. Нодирбек Абдусатторов (Ўзбекистон) — 65,64
3. Фабиано Каруана (АҚШ) — 54,58
4. Уэсли Со (АҚШ) — 43,11
5. Винсент Каймер (Германия) — 40,88
6. Айк Мартиросян (Арманистон) — 36,73
7. Арджун Эригайси (Ҳиндистон) — 36,34
8. Алиризо Фирўзжа (Франция) — 35,50
9. Ян Непомняший (FIDE) — 32,48
10. Рамешбабу Праггнанандҳа (Ҳиндистон) — 29,92.

Аёллар ўртасидаги рейтингда эса юртдошимиз Афрўза Ҳамдамова 8-ўринни эгаллаб турибди.