O‘zbekistonlik grossmeyster Javohir Sindorov faoliyatida ilk bor FIDE Circuit 2026/2027 mavsumining umumiy reytingida birinchi o‘ringa ko‘tarildi. Bu haqda FIDE rasmiy sayti xabar berdi.

Javohir Sindorov 75,28 ochko bilan jahon reytingida peshqadam bo‘lib turibdi. U AQShning Sharlott shahrida o‘tkazilgan Naroditsky Memorial turniridagi ikki g‘alabasi evaziga yana bir vatandoshimiz Nodirbek Abdusattorovni (65,64) ortda qoldirdi. Uchinchi o‘rinni amerikalik Fabiano Karuana (54,58) egallab turibdi.

FIDE Circuit 2026/2027 reytingidagi kuchli o‘nlik quyidagicha:

1. Javohir Sindorov (O‘zbekiston) — 75,28
2. Nodirbek Abdusattorov (O‘zbekiston) — 65,64
3. Fabiano Karuana (AQSh) — 54,58
4. Uesli So (AQSh) — 43,11
5. Vinsent Kaymer (Germaniya) — 40,88
6. Ayk Martirosyan (Armaniston) — 36,73
7. Ardjun Erigaysi (Hindiston) — 36,34
8. Alirizo Firo‘zja (Fransiya) — 35,50
9. Yan Nepomnyashiy (FIDE) — 32,48
10. Rameshbabu Praggnanandha (Hindiston) — 29,92.

Ayollar o‘rtasidagi reytingda esa yurtdoshimiz Afro‘za Hamdamova 8-o‘rinni egallab turibdi.