Аёл марҳум эрининг 50 йиллик сирини очди. Қутидан нима чиқди?
Буюк Британиялик аёл уйидаги эски печенье қутисидан олтин тангалар топиб олди. Хазинани аёлнинг турмуш ўртоғи (марҳум) қарийб 50 йил яширинча сақлаб келган, деб ёзмоқда Independent.
Бу тангалар 1970-йилларнинг ўрталарида, мамлакатда иқтисодий инқироз авж олган ва олтин арзон бўлган вақтда сотиб олинган. Ўшанда эркак 41 та Жанубий Африка крюгерранди ва 21 та Британия соверенини харид қилиб, яшириб қўйган.
Мутахассислар топилмани 113 000 фунт стерлинг (тахминан 150 минг АҚШ доллари)га баҳолашди.
Нашр хабарига кўра, тангалар жуда яхши сақланган ва улар билан бирга тегишли ҳужжатлар ҳам топилган. Аёл тангаларни кимошди савдосига қўйиб, катта пулни қўлга киритди, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter